Sunday, October 09, 2011

حان الفراق

هو : هذا آخر قرار؟
أنا : إي : )1

هو : روميه أنا أحبج..
أنا : وأنا بعد : : )1

هو: قرار ظالم ، بهالبساطه تقضين على العشرة والحب الي بينا
أنا: شسوّي مالنا نصيب مع بعض وأمي طلبت أنهي علاقتي فيك

هو: ما تخيّلت تتنازلين عنّي بالسهوله هذي
أنا: بعد هذا الي صار ، يلا أشوفك على خير

هو: روميه فكري عدل والله أحبّج
أنا: وأنا أحبك بعد وفكّرت وقرار نهائي خلاص عاد لا تشوفنا أمّي وتزعل

هو: يهمّج زعل الوالدة وأنا لا؟
أنا: والتالي؟

هو: خلاص خلاص الزم ما على الواحد كرامته ، بتندمين روميه
أنا: لا إن شاء الله ما من ندم : )1

هو: والله لأطلع لج بكل شكل ولون وأخلّيج تردين لي تبجين
أنا: خير إن شاء الله .. سلام

هو : سلام

أنا رحت غرفتي .. وهو في المطبخ .. مقرّه الرئيسي ..


هذا الله يسلمكم ما دار بيني وبين خيشة العيش :)).. طالعه لي كرش يادافع البلا
قالت أمي ما في غير العيش .. اقطعيه كم شهر مع رياضة وترجع المياه لمجاريها..

وكذا وحده وافقت أمي برايها مع الامتناع عن وجبة العشاء .. يعني
اذا حيل يوعانه حبه فاكهة أو حليب منزوع الدسم

والا اشرايكم؟

15 comments:

حنان الحبشي said...

هههههههههههه
الله يخس ابليسج صدقت والله
بالاخير مع العيش هههه

الله يعينج عاد قاومي طباخ خالتي الحين
يانج بتردين نادمه بقوه واسرع ما يمكن
ههههههههههههه

الكرش يا محفوظة السلامة تقطعين العيش والمعجنات كلها وتسوين تمارين البطن
وامشي يوميا نص ساعه على الاقل وكل ما كان اكثر احسن بس نص ساعه زين دامج ما كملتي 6 شهور على عمليتج

وشربي شاي أخضر ..يحرق بشكل مو طبيعي وفي بعد خلطه والله ناسيته .. كانت اختي فاطمه تشربها وفعلا يابت نتيجه اسالها وارد لج خبر

ولج وحشه قلبو .. صايره سياسيه :PP
:**

Romia Fahed said...

شفتي شلون؟ اليوم الوالدة بتسوي ع الغدا برياني لحم، عذااااب ، باقنعها نبتدي من باجر الحرمان تو أقول لهدى في الفيس بوك إنّي حنيت له، فعلا ببجي له بدري لووول

.. مخططه افا عليج مشي وتمارين وشاي أخضر
ياختج شريت لبست البدله والا الكرش ناطه
ابيها تروح قبل العيد .. عسى الله يقدرني


وبعدين وييني ووين السياسه ، كله فيلم سهره :$

ناطره خلطتج :***

may said...

هههههه
عسل والله

لا ما راح تندمين يارومية
انا قاطعته ومرتاحة
:)

السم الأبيض هو اللي يسبب الكرش
سيده يرووووح للكرش عارف دربه
السم الأبيض : شكر ابيض - طحين ابيض - رز أبيض

اتركي الاشياء هذي
او قلليها قدر الامكان
وشوفي شلون بطنج يصير

;)

صباحج عسل رومية
:)

الحياة الطيبة said...

بوست مميز وطرح أكثر تميز ... للحظة ظننت إنها إنهاء علاقة حقيقية طريقتك جميلة وجذابة وممتعة ، دمت بود غاليتي .

الأميرة سندريلآ said...

ههههههههههههههههههههههه
يققققققققطع إبليسج يً بتّ
أنآ طآح قلبي قلت شهالنهآيه الحزينه :(

عآد كككلو و لآ العيشش
العششق الأزلي من إيآم الطفوله :p

و الله يعيييييينج في نظآمج الغذآئي الجديد
ربّي ييسره للللج و تنحفين تصيرين زيّ العود o0
الله يكتب لججج الخير في هافرآق يً حلوه


ربّي يسسسعدج على هالموضوع الممتع
بوركتٍ

عازفة الالحان said...

حرآآآم علييكْ
وآنآ أقرآ متُحمسسًة وأأقول ي ربْ روميًة تعقًل ومآ تخربْ علآآقُة الحُب اللي بينهُم
في النهآآيًة يطلع العيشِ هههههههههههه

يلآ مُوفقه ي ربْ في المقآآطعُة
الله يكونْ ويآآج^ـ^

دمتي بخير

Romia Fahed said...

شورج وهداية الله ..
إن شاء الله من باجر ببدأ أخفف وتالي أقطعه خير شر..

مشكورة على النصيحة الرائعة مي

دمتِ لمن تحبي

Romia Fahed said...

ما تفرق عن العلاقات الإنسانية إلا بالروح والجسد وعدم التوافق الفكري
وغير ذلك فـ العيش له جاذبية توم كروز
عندي :P.

الرائعة فاتن .. حضورك المتواصل يخلق من التميز تعريفًا جديدًا.

دمتِ لمن تحبي

Romia Fahed said...

شكلج والعلم عند الله يا سندريلا
إنج من معجبات البرياني وأطباق العيش الشهية :))

الله يسمع منج هي خل ترد البطن ولج ماجله شهر مجانا :))

دمتِ لمن تحبي

Romia Fahed said...

والله يا عازفة ..
علاقات الحب معاي يا من طرف واحد أو على شرفة مفتوحة بين الشمس والقمر ، ونادرًا على صحابة صيف خدّاعة:^

تسلمين على الدعوة الطيبة .. تحمّست :*

دمتِ لمن تحبي

aL-NooR . said...

مجرررررررررمة
قاعدة اقول شلون
رومية قاسية جذي
و عيوني مبققة
ههههههههه
ههههههههه
ههههههههه
ههههههههه
يا حلو سوالفج

missing you :*

Anonymous said...

اكيد طايح بجبد نفسه
بسس التموين بو بلاش
رومية أختي
حفظج الله

Romia Fahed said...

هلا بالنور كلّه..
آسفة على التأخير في الرد .. الضغط مو طبيعي الأسابيع الي طافت..

:**

Romia Fahed said...

من ناحية طايح بجبده فهو أبداً لا يحصل
تدري.. العيش في البيوت الخليجية كـ الهواء في رئة الشعوب :P

عاش من شافك ياخوي .. وآسفة على التأخر في الرد

دمتَ لمن تحب

7osen said...

الله يعينج .. اقسى عذاب ، عذاب الرجيم هههههههه

بس لازم في الأخير الإرادة تكسب

:)